Қазақ қашаннан бауырмал халық қой. Әр кезеңде елімізден пана іздеп келген өзге ұлт өкілдерін бауырына басқан көпұлтты мемлекетпіз. Бір шаңырақтың астындағы халқымыздың достығы мен өзара түсіністігі одан әрі жалғасып, еліміздегі ұлтаралық татулық әрдайым берік болып, қашан да ынтымақ, бірлік мәңгі жасай берсін! Барлығымыз туған жердің төсінде, құшағын жайған бейбіт елдің ішінде ел бірлігін сақтауға атсалысайық!

Ана тілі – бәріміздің анамыз, өйткені ол – ұлтымыздың анасы

Н. Назарбаев

№14 «Ақбөпе» балабақшасында, 2021 жылдың 7 қыркүйгімен 24 аралығында «Ана тілім - қазынам» ұйым арасында мәнерлеп оқу байқауы (челендж) жоспарға сәйкес өткізілді.

Тіл – халықтың алтын діңгегі. Өзін-өзі білетін әр халық алдымен өзінің туған тілін сыйлап, мақтан тұта білуі керек. Өйткені халықтың даналығы, жырлары, шежіресі сол халықтың тілінде жазылады. Тіл – қай ұлтта болса да қастерлі, құдіретті ұғым. Ол әр адамның бойына ана сүтімен бірге еніп, қалыптасады. Тіл – халықтың жан, сәні, тұтастай кескін-келбеті, болмысы. Адамды мұратқа жеткізетін – ана тілі. Әр халықтың, ұлттың құрмет тұтар өз ана тілі бар. Менің ана тілім – қасиетті қазақ тілі. Қазақ тілі түркі тілдердің ішіндегі ең таза әрі бай тілге жатады. Қазақ тілі – Қазақстан Республикасының мемлекеттік тілі. "Ана тілі – халық боп жасағаннан бері жан дүниеміздің айнасы, өсіп-өніп түрлене беретін, мәңгі құламайтын бәйтерегі. Жүректің терең сырларын, басынан кешкен дәуірлерін, қысқасы, жанның барлық толқынын ұрпақтан-ұрпаққа жеткізіп, сақтап отыратын қазына",-деп Жүсіпбек Аймауытов ағамыз жазғандай, жерін, елін сүйген әрбір азаматтың ана тіліне деген сүйіспеншілігінің мақтаныш сезімі болуы керек.

Балалар күніне орай ұйымдастырылған, "GULNAR FEST" халықаралық жобасына; "Ақбота" тобы қатысып, жүлделі орынға ие болды.

Ізгі ниетпен, балабақшамыздың жоғарғы білікті тәрбиешісі: Мергенова Айжан Жанайдаровнаны шын жүректен құттықтаймыз.

Сонымен қатар бірлесіп, жұмыс атқарып жүрген білікті, өз ісінің шебері музыка жетекшіміз: Захарова Татьяна Владимировны, қазақ тілі мұғалімі: АГЫБАЕВА РАУАН ИМАНБАЙҚЫЗЫНА жеңістеріңіз құтты болсын дей отырып, алдағы уақытта биік шыңдарды бағындырып, қадамдарыңызға гүл бітсін.

Ізгі ниетпен: Балабақша әкімшілігі.

Елтаңба, Ту, Әнұран– ел дербестігі мен тәуелсіздігін күллі жұртқа танытатын әрі өткен мен болашақ сабақтастығын көрсететін құнды белгілер. Ел дамуының ажырамас бөлігі саналатын мемлекеттік рәміздеріміз қабылданған дата ұлт тарихында мәңгілік ерекше орын алатын болады.

Қазақстан Республикасының Мемлекеттік рәміздері күні құтты болсын! 

 

 

«Бала ойнының қарапайымдылығы –алдамшы құбылыс бұны бәрі біледі, бірақ оны түсіне бермейді» (П.Ф Каптерев.) Ойын - мәдениет феномені.

Ол – оқытады, тәрбиелейді, дамытады, ойын-сауық, демалыс уақыттарын сыйлайды. Бала өмірін ойынсыз елестету мүмкін емес. Сондықтан біз, ҰОҚ жиі ойын технологиясын қолданамыз. Әрине, өзге ұлт балалары болғандықтан, көбінесе өлең арқылы айтылып, іс- қимылымен жалғасын табады.

Біз, тәжірибе барысында, балалармен ән түрінде айтып, эмоциялық тұрғыда да көңілді үйреткенді ұнатамыз. Балалар - ойын баласы болғандықтан олармен көңілді ойнай отырып, сөздік қорларын байытып отырсақ, нұр үстіне нұр болмақ. Назарларыңызға келесі өлең шумақтарын арнаймыз. Балалармен ойын түрінде өткізіледі.

«Қуыршақ»

Авторы: РАУАН АГЫБАЕВА

Қуыршақ, қуыршақ кел, кел,
Қуыршақ, қуыршақ кел, кел,
Қуыршақ, қуыршақ кел, кел,

Кел, кел, кел ойнаймыз,
Кел, кел, кел ойнаймыз,
Кел, кел, кел ойнаймыз.

№14 «Ақбөпе» балабақшасында 25.01.2021 «Күншуақ» мектепалды даярлық тобында кезекті: «Қазақшаң қалай балақай?» атты ҰОҚ өткізілді. Әдеттегідей балаларымыз өте жақсы дайындалып, мемлекеттік тілге деген құрметтерін көрсетті. Әрине айтып кетпесе болмас, топтың тәрбиешісі- Юсупова А.У. кез- келген уақытта қол ұшын созып, бірауыздан келісіп, балалардың ойдағыдай өздерін ұстауларына, сұрақтарға нақты әрі дұрыс жауап берулеріне өз үлесін қосты. Және топтың ата- аналарына қолдағандары үшін өз рақметімді айтсам деймін.

Ізгі тілекпен: қазақ тілі мұғалімі- Агыбаева Р.И.

2020 жылы қазақ халқының ұлы ақыны, ағартушысы Абай Құнанбайұлының 175 жылдығы. Осыған орай №14 «Ақбөпе» балабақшасында түрлі іс- шаралар өткізілді. Сонымен бірге тәрбиешілеріміз бүлдіршіндермен түрлі жарыстарға қатысып, жүлделі орындарға ие болды. Соның бір айғағы ретінде, №14 «Ақбөпе» балабақшамыздың тәрбиешісі: Ильясова Анар Хамитовна, Абай Құнанбайұлының 175- жылдық мерейтойына орай ұйымдастырылған «Абай дана, Абай дара қазақта» атты Республикалық байқауға қатысып, «АБАЙ-175 ЖЫЛ» ТӨСБЕЛГІСІМЕН марапатталды.

№14 «Ақбөпе» балабақшасында 25 қарашадан 10 желтоқсан аралығындағы «Гендерлік зорлық - зомбылыққа қарсы белсенділіктің 16 күні» атты акцисына қатысып, «Мұңаймасын ана, жыламасын бала» атты тренинг семинарын өткізді. Бұл семинарға балабақшамыздың барлық педагогтары атсалысып, балаларға үгіт- насихат жүргізді.  Қазіргі таңда болып жатқан, түрлі, ауқымды жағдайлардың алдын- алу мақсатында, осындай акциялар жиі  ұйымдастырылып, келешек ұрпағымыз тәрбиелі, иманды, үлкенді сыйлайтын болса деген тілегіміз бар. Еліміз аман, жұртымыз тыныш болсын.

28.10.2020 ж. №14 "Ақбөпе" балабақшасының мектеп жасына дейінгі балалары үшін Нұр-сұлтан қаласының № 3 қалалық балалар кітапханасының ұйымдастыруымен "Ертегілер әлемінде"атты іс-шара өтті. "Күншуақ" тобы тәрбиеленушілері іс-шараға қатысты. Балаларға жұмбақтар айтылды, викторина өткізілді, мультфильм көрді және ұсынылған ертегілерді тапты. Балалар сұрақтарға қызығушылықпен жауап берді, ойын тапсырмаларына қатысты, осылайша ертегілер туралы білімдерін көрсетті.

Кітапхана басшысы Марал Құрманбаевқа және барлық қызметкерлерге мектеп жасына дейінгі балалардың зияткерлік дамуына көмектесетін танымдық іс-шаралар өткізгені үшін алғыс айтамыз.